Pantun karo simalem

 

 

Tabeh tabeh kaperas
Tande kupucuk kaciwer
Nabeh kata nibelas
Tapi terjeng tampuk biber

 

^^^^^^__^^^^^^^
Kutare batang galiman
Tanggak talang si asar ndukur
Ise pe labo lit teman
Adi kita meganjang rukur

 ^^^^^^__^^^^^^^
Kandi kandi buluh la riket
Batang buluh tabah man titi
La erngadi ngadi kena kuinget
Adi tunduh pe kena bas nipi

^^^^^^__^^^^^^^ 
Bulung birah bulung parira
Rimo mungkur mbelah itaka
Pulung me sendah kita kerina
Meriah ukur ersada

^^^^^^__^^^^^^^ 
kata i kuit keroncong embus terompet
ntabeh sorna man beginken
cekoh koncang gargari dompet
ongkos mulih saja tadingken

^^^^^^__^^^^^^^ 
Enda itaka si rimo mungkur
Bunga rampe man perpangiren
Belasken kata turiken ukur
Bapa nande ole ketadingen

^^^^^^__^^^^^^^ 
Kabang ndukur Kulau terue
Ibas bernehna isuan lacina
Ola min ukur ermbue-mbue
Nuriken gegeh asa bancina

^^^^^^__^^^^^^^ 
Ersuli tualah mumbang
Bunga melati ibas galahna
Ukur mehuli rikut numbang
Ate nampati lalit salahna

^^^^^^__^^^^^^^ 
Mantek kuta mbelin gunana
Inganta jumpa Dibata Bapa
Rende ertoto megi pedah Na
Rikut pe mindo pasu-pasu Na

^^^^^^__^^^^^^^ 
Keleng ate nandangi teman
Mehamat kata ntabeh ranan
Lagu mehuli gelah ibahan
Ibas pertingkah sejaga-jagan
Ibas silitna siela-elan
Radu irasken maba baban
Nggeluh arus sipehaga-hagan

^^^^^^__^^^^^^^ 

Arus terbeluh kita erteman
Pekena-kena ncibalken ranan
Langkah pandangan olah ibahan
Ibas pusuh arus kap siangkan

Sipersingeten ibas kelupan
Jumpa simberat sikata-katan
Di pangan ntabeh radu ipan 

 

^^^^^^__^^^^^^^ 

Nggeluh sisada tentu melungun
Lalit teman sikeleng-kelengen
Kerina kalak siakap pandangen
Kita saja siakap jadi ikuten

^^^^^^__^^^^^^^ 
Kune kita nggo erban salah
Ola teridah biak pekulah-kulah
Pertingkah olah mbuesa ulah
Pengkebet pe ola bagi singulah
Terus terang akuken me gelah
Pusuh jadi salang ukur pe meriah
Rezeki pe tentu ertambah-tambah
Ate malem pe nandangi turah

^^^^^^__^^^^^^^ 
Baba cekala ku Tigajumpa
Gelah situkur minak mentega
Sepala nggo me kita jumpa
Ersada ukur mantek gereja

^^^^^^__^^^^^^^ 
Saringkulit taneh tenggiring
Baba durian nukur kemeja
Ola min lit sitading-tading
Muat bagin mbangun kuta

^^^^^^__^^^^^^^ 
Ipakena baju er-renda
Ertumba-tumba beras babana
Kataken arena belasken arenda
Erlumba-lumba pepulung dana

^^^^^^__^^^^^^^ 
Meratah nina bulung cekala
Nipe sore iteruh uratna
Pepulung dana erpala-pala
Tentu me jore bagi oratna

^^^^^^__^^^^^^^ 
Asar ndukur Asamkumbang
Namopunti mbue bungana
Ersada ukur raduken numbang
Rikut nampati mbelin gunana

^^^^^^__^^^^^^^ 
Ersadalah arih ibas mbangun
Ola mbiar mereken silitna
Sebab bagi putiken terbangun
Iputika maka tambah bulungna

^^^^^^__^^^^^^^ 
Perbahanenta ngenca man usihen
Ibas pengerana ia ersukaten
La ngeranaken ia ersukaten
Bagi rubia itengah kerangen
Radu ia pe kap sitendengen
Tapi jelma ibas kegeluhen
Arus kapen sitalang-tatangen

^^^^^^__^^^^^^^ 
Adi menganjang babah ngerana
Erbelas kata La ngangkar bana
Kata soranta siakapo sipayona
La kepn ngasup kalak megissa
Piah tuah me atena gila
Bene pe dungna sikelna jumpa
Dungna kita rukur sisada

^^^^^^__^^^^^^^ 
Tadingken gelah ukur meganjang
Biak mekarus ola penjangjang
Ngerana nigen ola megombang
Ibas salahta nggit min ipandang

^^^^^^__^^^^^^^ 
Ola peturah ate kalak mamang
Lagu langkah rusur La nembang
Rikut pengkebet Ia tersuriang
Gelah sempat kita terbuang
Ate kalak nembeh segedang-gedang

(^_^)

Sora Pusuh

Kudatasi Si Gantang Sira
Perdalanna Ku Uruk Gundaling,
Kupedasi Ngataken Ate Ngena
Perban Biarna Kel Aku Tading,

Kutareken Si Lau Pola,
Kubahan Tongkap Inganna,
Kuturiken Ateku Ngena,
Katakenndu Gombal Kerina,

Belo Persentabin Jabu Benana,
Kuta Budaya Si Kuta Lingga,
Nde Karo, Nde Nangin Kam Duana
Apai Kam Duana Si Rate Ngena,

Tantan Siring Ertali-tali,
Kujaka-jaka Alu Batang Buluh,
Nde Tigan, Nde Iting Si Metami,
Apai Kam Duana Si Rutang Pusuh,

Buluh Pering Mombak Bas Lau,
Kutatap-tatap Arah Kenjulu
Beru Biring Sibiak Anakberuku,
Sampatindu min Aku Kalimbubundu,

Si Ate Ngena

Tama ku pinggan si beras gara,
Maka sipan sangana pesta,
Tuhu nde Nangin ngena jelmana,
Nggit nge kam adi bulangenna pe enggo lima......

berngi enda aku sisada..
natap bulan si terangna..
gia nde NAngin enggo lit punana..
kutimai nge jandana...

Tualah setandan baba kutiga,
Buluh belin tabahken kena...
Gelah nde Nangin jadi janda,
Bunuhken saja pagi perbulangena

selasa menda warina...
nandangi rabu menda benana..
anak mami si ateku ngena...
enggo sambar kepe punana..

Belo selambar cibalken kena,
Batang pagi cinep nggurisa...
Enggo gia sambar anak mami punana,
Ula kam sangsi Colesken saja.......

tunduh aku siang wari...
ernipi aku jumpa ras kena..
enggo me latih ngukuri kuakap gundari..
perbahan kena tigan la ngangka pusuhku enda...

Mulih aku ku berastagi,
Tualah setandan kubaba luahna,
Lih-lih ateku asa gundari,
Engkai nande tigan ngenca atendu ngena.......

Rondong NDu

Labo aku mela adi jumpa ras kena
Si kumeneki, adi nggo kita jumpa la  aku diatendu

labo aku mbiar adi surung kita pepagi jabuken bana
si aku mbiar, lawes kena erjabu
tading kel aku nande NAngin

ku begi beritana la sada ngenca rondongndu
payo ntah lahang kam nge metehsa
nd NAnginndu perjuma-juma nge ngenca, tampil nge ndia si bagi aku ?

adina surung kita ersada keleng kel pepagi ateku kena
tapi sada kel ngenca si kupindoken man bandu
putusken lebe rondongndu aku saja ban bas pusuhndu

 

 

Benana PendungiNA

turah nde batang gundur
iduru dalan la kel lit punana
turah ukurku ertutur
si tandan ateku kita MA biring

Ku totoken gelah pagi
adi ia ku berastagi
jumpa ka kami mulihi
kuturiken bana ia kukelengi

Melus di bulung singkut
tersia i tutu cimpa
melewas kam man sungkunen rikut berjut
perban aku la kel merupa

gatap-gatap juma rabin
mande-ande juma terulang
ercakap2 kita madin
erkade-kade ntah erturang

Juma page Cingkeru nina
babandu ku kuta mbelang
kena kepe anak perana
rembang mata keranjang

surut si rating gara
surut piahna go keri
surut me aku dungna
sitatapen nge kita pagi
 

Sada kata

Jemolah jemole ngayunken si batang buluh
Erbulung nguda ndabuhi lawakna
Erjanah-janah ngeranaken sidebanna
Piah pulung sibiak morah-morah

Labo kami nimbak kata sibiak mediate
Janah pe labo erpesilahang kade-kade
Gundari pepaginna pe bage
Segelah ula min ermenek ate

Rembang warina si sepuluh sada
Nimai bulanna si sepuluh dua
Rimbang pe kita kerina
Segelahna ula ngerana erjaka-jaka

 

 

 

Mejuah-juah

Kabang ndukur Kulau terue
Ibas bernehna isuan lacina
Ola min ukur ermbue-mbue
Nuriken gegeh asa bancina

galuh si sada tandan men cikat-cikaten
si mbernou narih ku tasakna si men kuliten
arah ukurndu si lit enggo i alo-alo alu ukur meriah
Ija pe kita ringan kerina segelah lit ibas mejuah-juah

 

 

Ajar Mehuli

Tabeh tabeh kaperas
 Tande kupucuk kaciwer
Nabeh kata nibelas
Tapi terjeng tampuk biber



Kutare batang galiman
Tanggak talang si asar ndukur
Ise pe labo lit teman
Adi kita meganjang rukur


Kandi kandi buluh la riket
Batang buluh tabah man titi
La erngadi ngadi kena kuinget
Adi tunduh pe kena bas nipi



Bulung birah bulung parira
Rimo mungkur mbelah itaka
Pulung me sendah kita kerina
Meriah ukur ersada



kata i kuit keroncong embus terompet
ntabeh sorna man beginken
cekoh koncang gargari dompet
ongkos mulih saja tadingken


Enda itaka si rimo mungkur
Bunga rampe man perpangiren
Belasken kata turiken ukur
Bapa nande ole ketadingen



Kabang ndukur Kulau terue
Ibas bernehna isuan lacina
Ola min ukur ermbue-mbue
Nuriken gegeh asa bancina



Ersuli tualah mumbang
Bunga melati ibas galahna
Ukur mehuli rikut numbang
Ate nampati lalit salahna



Mantek kuta mbelin gunana
Inganta jumpa Dibata Bapa
Rende ertoto megi pedah Na
Rikut pe mindo pasu-pasu Na



Keleng ate nandangi teman
Mehamat kata ntabeh ranan
Lagu mehuli gelah ibahan
Ibas pertingkah sejaga-jagan
Ibas silitna siela-elan
Radu irasken maba baban
Nggeluh arus sipehaga-hagan
Arus terbeluh kita erteman
Pekena-kena ncibalken ranan
Langkah pandangan olah ibahan
Ibas pusuh arus kap siangkan
Sipersingeten ibas kelupan
Jumpa simberat sikata-katan
Di pangan ntabeh radu ipan



Nggeluh sisada tentu melungun
Lalit teman sikeleng-kelengen
Kerina kalak siakap pandangen
Kita saja siakap jadi ikuten



Kune kita nggo erban salah
Ola teridah biak pekulah-kulah
Pertingkah olah mbuesa ulah
Pengkebet pe ola bagi singulah
Terus terang akuken me gelah
Pusuh jadi salang ukur pe meriah
Rezeki pe tentu ertambah-tambah
Ate malem pe nandangi turah



Baba cekala ku Tigajumpa
Gelah situkur minak mentega
Sepala nggo me kita jumpa
Ersada ukur mantek gereja



Saringkulit taneh tenggiring
Baba durian nukur kemeja
Ola min lit sitading-tading
Muat bagin mbangun kuta


Ipakena baju er-renda
Ertumba-tumba beras babana
Kataken arena belasken arenda
Erlumba-lumba pepulung dana



Meratah nina bulung cekala
Nipe sore iteruh uratna
Pepulung dana erpala-pala
Tentu me jore bagi oratna



Asar ndukur Asamkumbang
Namopunti mbue bungana
Ersada ukur raduken numbang
Rikut nampati mbelin gunana



Ersadalah arih ibas mbangun
Ola mbiar mereken silitna
Sebab bagi putiken terbangun
Iputika maka tambah bulungna



Perbahanenta ngenca man usihen
Ibas pengerana ia ersukaten
La ngeranaken ia ersukaten
Bagi rubia itengah kerangen
Radu ia pe kap sitendengen
Tapi jelma ibas kegeluhen
Arus kapen sitalang-tatangen



Adi menganjang babah ngerana
Erbelas kata La ngangkar bana
Kata soranta siakapo sipayona
La kepn ngasup kalak megissa
Piah tuah me atena gila
Bene pe dungna sikelna jumpa
Dungna kita rukur sisada


Tadingken gelah ukur meganjang
Biak mekarus ola penjangjang
Ngerana nigen ola megombang
Ibas salahta nggit min ipandang


Ola peturah ate kalak mamang
Lagu langkah rusur La nembang
Rikut pengkebet Ia tersuriang
Gelah sempat kita terbuang
Ate kalak nembeh segedang-gedang

Arih Ersada

Gedang gendek buah lacina
Adi ku tiga lit nge menda hasilna
Adi enggo kita pulung ijenda karina
Arih ersada e nge simehulina

jemolah jemole si buah nangka
perndabuhna talang sembeka
Mejuah-juah men kita kerina
Ijapa pe kita ringan sangana

Angin erdeso i juma raja....
Kabangen rirang si tangke jaba...
Amin pe kita pdauh-dauh turang snina...
Arah dunia maya enda si persada arihta...

 

 

Jambur

Sinihamati kami kam si natang layar-layar
Ibas kam mbereken kata alu ukurndu bujur
ipehagandu kami alu mbereken semangat ras pantang mundur
Emaka reh kam ku jambur, enggo sikap pangan manuk ras gundur

Egia melabo gundur si lenga meturrrrrr
Sebab adi lenga metuur
Mederr pe lenggurr
Terbendut ngenca cidurr,,,

teran juma luning erbideken gadung
sengkelewetna page ras cina cur
ibahan menda kata sentabi gelah metunggung
sapih-sapih kita kerina si pulung i jambur